2024

Letrak zeruertzean izan da gai nagusia 2024ko jaialdian, eta honen inguruan, Javier Zamora, Monika Zgustova, Juan Manuel Zaragoza, Adania Shibli, Antonio Monegal, David Ucles edo Sergio del Molino idazleek parte hartu dute besteak beste. Hauetaz gain, Fermina Cañaveras, Beñat Sarasola, Enrique Vila-Matas edo Sabina Urraca bezalako beste autoreak ere izan dira.

Nobela berriek ere, izan dute bere tartea hitzen jaialdian, kasu honetan Carmen Mola, Karmele Mitxelena edo Eduardo Halfonen eskutik.

2024ko egitaraua Ernest Lluch Kultur Etxean hasi da Literaktum Aperitif deituriko prologo batekin. Bertan, Martín Caparrós autore argentinarra izan da protagonista. Bestetik, aipatzekoa da Dolores Redondo idazleak Victoria Eugenia Antzokian eskainitako solasaldia izan dela jendetsuena.

Egileekin izandako elkarrizketez gain, bestelako jarduerak ere izan dira: Hau ez da gerra bat irakurketa dramatizatua, Gernika, ikur bat baino gehiago errezitaldi musikatua edo La metamorfosis, Franz Kafka irrati antzerkia, autore txekiarrari omenaldi gisa, besteak beste. Honetaz gain, 5 erakusketa izan dira: Luis Martín-Santos idazlearen jaiotzearen urteurrena omentzeko egin den Tiempo de silencio, Ane Rearicken argazkiak, Markos Gimenok egindako palindrometatik sortutako kartelak, Mila Garcíaren Historias con alma de papel eta Irabazi Arte! telesailaren ingurukoa.

Literaktum Txikian ere parte-hartze handia izan da. Ipuin kontalariak, antzezlanak, Haurren Egun Unibertsalaren 8. jaia, ilustratzaileekin tailerrak... Aparteko aipamena merezi du Literaktum Txikia IV. Ilustrazio Lehiaketak. 'Nur-en abenturak' izan da gaia eta 250 ilustrazio baino gehiago aurkeztu dira.

Jaialdiko webgunean, bi astetan, 12.300 bisita baino gehiago izan dira, eta sare sozialek ere eragin handia izan dute, honako datu hauekin: X (Twitter ohia) sare sozialean 37.000 aldiz baino gehiago ikusi dira argitalpenak eta Facebooken berriz, 1.900 aldiz.

Oraindik egileek hausnartu eta esan dutena entzuteko aukera dago jardueren podcastak entzunez.