Zertarako balio du?Madalena Matosorekin solasean

Madalena Matoso ilustratzaileak Zertarako balio du? liburuari buruz arituko da solasean Mónica Graciarekin Literaktum jaialdian.

Zertarako balio dute galderek? Eta zertarako balio du erantzunik gabeko zalantza batek? José Maria Vieira Mendesek idatzi eta Madalena Matoso portugaldarrak ilustratutako Zertarako balio du? liburuak galdera horietatik abiatuta, pentsamendua eta jakin-mina jolasean jartzen ditu. Matosoren ilustrazioek forma geometriko, kolore lau eta konposizio garbien bidez testuaren izaera ludiko eta filosofikoa indartzen dute. Irudien bidez ere pentsarazteko duen gaitasuna erakusten du ilustratzaileak.