Ines Azpiazu Zarautz, 1986

Argitaletxe independenteekin elkarlanean aritu da. Tobacco Days liburu-dendaren sortzailea eta arduraduna izan zen Garoa liburu-dendan liburuzain izan ondoren. Hainbat modutan parte hartu du irrati-proiektuetan: Moon Safarin (Gaztea) aurkezle gisa edo Baipasan (Euskadi Irratia) kolaboratzaile gisa. Halaber, DJ gisa musika proiektuetan parte hartzen du, dantza- musika esperimentala ikertuz eta hautatuz. Bere DJ saioez gain, alderdi hori Dia, Donostia Kultura Irratia eta DLC irrati digitaletan egindako hileroko kolaborazioan garatzen du. KRII kolektiboaren sortzaileetako bat da.