Ana Urkiza Ondarroa, 1969

Informazio Zientzietan lizentziatua da, enpresa komunikazioan aditua eta hainbat komunikabidetako kolaboratzaile. Bankan egiten du lan eta Eusko Ikaskuntzako lehendakaria da.

Dozenaka liburu sortu ditu genero desberdinetan: poesia, biografia, aforismoak, ipuinak eta haur eta gazte literatura. Baita kazetaritza lehengaitzat eta komunikazioa aztergai duten elkarrizketa eta saiakera liburuak ere. Azken horien artean aipagarri dira: Zortzi unibertso, zortzi idazle (Alberdania, 2006) eta Garen hori (Elkar, 2021).