Ángeles González-Sinde
Ángeles González-Sinde (Madril, 1965)
Zinema gidoilari eta zuzendaria, Ángeles González-Sindek Filologia Klasikoa ikasi zuen Unibertsitate Konplutentsean, idazketa zinematografikoa ikasi zuen Espainiako hainbat unibertsitatetan, eta Los Angelesko American Film Instituten amaitu zuen bere zinema prestakuntza, Fullbright bekarekin. Antzerki lanak eta haurrentzako eleberriak ere idatzi ditu.
Telesail ugaritako gidoilaria izan da, baita dozena bat filmetakoa ere, horien artean La buena estrella, González-Sinderen lehen Goya Saria izan zena.
Aurten, El comensal filma zuzendu du, Gabriela Ybarrak idatzitako eleberriaren egokitzapena. Reina Sofia Arte Museo Nazionaleko Errege Patronatuko presidentea 2020tik. Aurretik, 2009 eta 2011 artean Espainiako Gobernuko Kultura ministro izan zen, eta 2006 eta 2009 artean Zinema Akademiako lehendakari.
Argazkia: Elena López.
Filmografia (zuzendari bezala)
- 2003 La suerte dormida
- 2004 Madrid 11M: Todos íbamos en ese tren
- 2007 ¿Y a mí quién me cuida?
- 2008 Una palabra tuya
- 2022 El comensal
