Joserra Senperena
Joserra Senperena (Donostia, 1965)
Pianoko goi mailako ikasketak Donostiako Francisco Escudero Goi Mailako Musika Kontserbatorioan amaitu zituen eta ondoren baita jazz musikako ikasketak egin ere, Bartzelonako Taller de Musics-en. Hamaika disko argitaratu ditu bere izenean. hasierako jazz eta bluesetik hasi eta azkenengoetako ganbera-musikaraino. Horietako batzuk besteak beste, Harkaitz Cano, Patxi Zubizarreta, Jose Luis Zumeta, Dora Salazar, Jose Inazio Ansorena edo Ángela Molinarekin partekatuak. Hauetako azkena, Existentzia minorrak (2019), Donostiako Victoria Eugenia Antzokiko Club aretoan grabatutako bakarkako piano-lana da.
Hainbat soinu-banden konpositorea ere bada Joserra Senperena: Caminho Longe (Josu Martinez, 2020), Lur eta Amets (Joseba Ponce, Imanol Zinkunegi, 2020), Egunak eta lanak (Fermin Etxegoien, 2019), Nur eta Dragoiaren Tenplua (Juanba Berasategi, 2017), Sipo Phantasma (Koldo Almandoz, 2016), eta La Ballena Real (Julio Medem, 2016) dira horietako batzuk.
Urte luzez, Espainiako pop-rock talde garrantzitsuenekin grabatu eta biratu du: Fito & Fitipaldis, Duncan Dhu, La Buena Vida, Rafael Berrio... Espainian, Erresuma Batuan, AEBetan eta Frantzian grabatutako 100 disko baino gehiagotan parte hartu du, nazioarteko izen handiko musikari eta ekoizleekin: Greg Leistz, Rusty Anderson, Pete Thomas, Fred Maher, Joe Blaney, edo Colin Farleyrekin.
Diskografia
- 1999 Joserra Senperena
- 2002 Blues pasadizoak
- 2003 Mandarin dotore
- 2004 Chillida-Lekutik
- 2008 Dardaren interpretazioa
- 2011 Cuentos para adultos
- 2012 10 Trio piano
- 2015 9 ganbera pieza
- 2017 Adiós a la Bohemia (Rafael Berriorekin batera)
- 2019 Existentzia minorrak
Lan kolektiboak
- 2008 Lieder (Diego Vasallo, Rafael Berrio, Thomas Canet eta Suso Sáizer)
- 2010 Joan (Patxi Zubizarretaren eleberriarekin batera egin zen diska)
- 2014 50 (Thomas Canet eta Mintxo Cemillán)
Zinemarako musika
- 2005 Pailazokeriak
- 2009 Simplemente (Jon Andueza)
- 2009 Barriola, San Adriango azeria (Juanba Berasategi)
- 2010 Toda la vida del mundo (Nuria Ruíz Cabestany)
- 2013 Gu, jatorri anitz, herri bat (Juanba Berasategi)
- 2013 Gure sor lekua (Josu Martinez)
- 2015 Sor lekuaren bila (Josu Martinez)
- 2016 Sipo phantasma (Koldo Almandoz)
- 2017 Nur eta herensugearen tenplua (JUanba Berasategi)
- 2018 Jainkoak ez dit barkatzen (Josu Martínez)
- 2019 Egunak eta lanak (Fermin Etxegoien)
- 2020 Lur eta amets (Imanol Zinkunegi eta Joseba Ponce)
- 2020 Caminho Longe (Josu Martínez)
- 2021 Apaiz kartzela (Ritxi Lizartza)
- 2021 Paperezko hegoak (Josu Martínez)
