Tanya de la Cruz

Kolonbian jaioa, Guildforden (Ingalaterra) hazi zen eta bertan egin zituen interpretazio ikasketak, bai eta piano ikasketak ere. Kolonbian, Espainian eta Los Angelesen ere teknika desberdinak ikasteko ikastaroak egin ditu.

Hainbat telebista serietan parte hartu du. Besteak beste, ETBko Goenkale telesailean lan egin zuen hiru urtez, baita Mi querido Klikovsky edo Hospital Central serieetan ere. Zinema arloan, Sintonia (2005), 80 egunean (2008), Renovable (2016) filmeetan parte hartu du Jose Mari Goenagaren zuzendaritzapean, baina beste hainbat filmeetan ere: Frágil (2003), Rabia (2007), Sukalde kontuak (2009), La media pena (2010) eta Our Old Man and The Sea (2016).

Sorkuntza proiektu eta ekintza ugaritan parte hartzen duen bitartean, bestelako diziplinak ere lantzen ditu, hala nola, gidoigile lanak eta zinema errealizazioari lotutakoak.

Filmografia

• 2003 Frágil
• 2005 Sintonia
• 2007 Rabia
• 2008 80 egunean
• 2009 Sukalde kontuak
• 2010 La media pena
• 2016 Renovable
• 2016 Our Old Man and The Sea

Webgune pertsonala

• Tanya de la Cruz