Isidoro Fernandez

Arte Dramatikoan lizentziatu zen, Donostiako Antzerki Eskolaren lehen promozioan, 1983an. Orduz geroztik, antzerkian, zineman zein telebistan dihardu lanean.

Zineman, Montxo Armendarizen Tasio filma izan zen bere lehen lana 1984an. Hogeita hamar film baino gehiagotan parte hartu du, eta protagonista izan da Ander eta Yul, Sukalde kontuak eta Operación comète filmeetan. Azken urte honetan, Gracia Querejeta eta Daniel Calparsoro zuzendarien filmeetan parte hartu du.

Telebistan ere bete ditu protagonista paperak, besteak beste, ETBko zenbait telesailetan: Jaun eta jabe, Maité, Señorío de Larrea, Ander eta Konpainia, Martín, Mugaldekoak, Goenkale... Euskal Herriko zein Espainiako beste hainbat serietan ere parte hartu du, azkena Allí abajo arrakastatsuan.

Antzerkian berrogeitik gora antzezlanetan lan egin du, esaterako, Arlekino servidor de dos amos, Paradero desconocido, Nasdarovia Chejov, Sueño de una noche de verano, eta gaur egun, Dublineses lanean.

Zuzendari eta zuzendari ondoko lanetan ere aritu da, mikroteatroan aktore eta irakurketa dramatizatuetan...

Gaztelaniaz, euskaraz eta frantsesez egiten ditu lanak, eta egun, aktore lanarekin batera, eleberriak idazten dihardu, bere bizitzaren garai honetan hartutako erronka gisa.

Filmografia

• 1984 Tasio
• 1985 Zergatik panpox
• 1985 Ehun metro
• 1989 Ander eta Yul
• 1992 La hiedra
• 1996 La buena vida
• 1998 Sí, quiero...
• 2006 Kutsidazu bidea, Ixabel
• 2009 Sukalde kontuak
• 2010 Mugaldekoak

Telebista

• 1994, 2013-2015 Goenkale
• 1997 Jaun ta jabe
• 1998 Maité
• 1999 El señorío de Larrea
• 2001 Ander eta konpainia
• 2005 Motivos personales
• 2008 Cuenta atrás
• 2017 Allí abajo