Iban Zaldua

Iban Zaldua (Donostia, 1966)

027_iban_zaldua

Idazlea eta Euskal Herriko Unibertsitateko historia irakaslea da; Gasteizen bizi da. Zenbait ipuin liburu eman ditu argitara, besteak beste: Gezurrak, gezurrak, gezurrak (Erein, 2000), Traizioak (Erein, 2001), La isla de los antropólogos y otros relatos (Lengua de Trapo, 2002), Itzalak (Erein, 2004), Etorkizuna (Alberdania, 2005, Euskadi Literatur Saria 2006), Ipuinak -Antologia bat- (Erein, 2010), Biodiskografiak (Erein, 2011), Idazten ari dela idazten duen idazlea (Elkar, 2012), Inon ez, inoiz ez (Elkar, 2014) eta Sekula kontatu behar ez nizkizun gauzak (Elkar, 2018).

Bi eleberriren egile ere bada: Si Sabino viviría (Lengua de Trapo, 2005) eta Euskaldun guztion aberria (Alberdania, 2008); Azken garaipena komikiaren gidoiarena (Ikastolen Elkartea, 2011, Julen Ribasen marrazkiekin; Haur eta Gazte Literaturako Euskadi Saria 2012); eta euskal literaturaren inguruko lau saiakerena: Obabatiko tranbia (Alberdania, 2002), Animalia disekatuak (Utriusque Vasconiae, 2005), Ese idioma raro y poderoso (Lengua de Trapo, 2012; Euskadi Saria Saiakeran 2013) eta (Euskal) Literaturaren alde (eta kontra) (Elkar, 2016). Literatur blog bat dauka (Oharrak & Hondarrak, ibanzaldua.wordpress), eta Gasteizko Irakurle Klubeko koordinatzailea da.

 

Argitalpenak

  • 2000 Gezurrak, gezurrak, gezurrak
  • 2001 Traizioak
  • 2002 La isla de los antropólogos y otros relatos
  • 2004 Itzalak
  • 2005 Etorkizuna
  • 2005 Si Sabino viviría
  • 2008 Euskaldun guztion aberria
  • 2010 Ipuinak -Antologia bat-
  • 2011 Biodiskografiak
  • 2012 Idazten ari dela idazten duen idazlea
  • 2014 Inon ez, inoiz ez
  • 2018 Sekula kontatu behar ez nizkizun gauzak
  • 2018 Como si todo hubiera pasado

Bideoa

Elkarrizketak

2019 © copyright
Donostia Kultura Donostiako udala