Xabier Erkizia

Euskal Herritik lan egiten duen musikaria, soinu-artista, ekoizlea eta kazetaria. Telebista, irratia, prentsa idatzia, bideoa, zinema edo Internet euskarriekin egiten du lan, eta bere lanaren ezaugarri nagusia entzumenari eta soinugintzari lotutako alorren inguruko jakin-mina da.

Alor eta jatorri desberdineko hainbat artistarekin lan egin du, estudioan nahiz zuzenean; besteak beste: Mattin, Eddie Prevost, Ilios, Alan Courtis, Maialen Lujanbio, Arantxa Iturbe, Iñigo Telletxea... Gaur egun, Billy Bao, Ornitorrinkus edo Soinumapa.net egitasmoetan ari da lanean, eta zeinbat zinema zuzendariren filmetarako soinu-bandak konposatzen ditu. Hainbat nazioarteko sari jaso ditu lan horiengatik.

Azken 15 urteotan Beran ospatzen den Ertz-Bertze Musiken Jaialdiaren zuzendarietako bat da, soinu-arteari eskainitako hainbat egitasmo, ekitaldi ziklo eta erakusketetan komisario lanak bete ditu, eta Artelekuko ekoizpen-zentroaren soinu departamentua zuzendu zuen (2000-2014).

Hainbat komunikabiderekin kolaboratzen du, bereziki musikari eta entzumenaren kulturari eskainitako irratirako lanak eta iritzi artikuluak idatziz. Audiolab elkarteko kide da.

Diskografia

• 2001 Kea (Convolution remix)
• 2002 Artekaleun
• 2002 Gastronomia eta musika
• 2003 Ezer jakin gabe
• 2003 Esku huts
• 2004 Sadomartir (gutural remix)
• 2004 Egipto
• 2005 Troika remix
• 2005 Esku bete
• 2006 Arrate
• 2007 Bruni
• 2008 Berbaoc
• 2010 Zelai magnetikoak
• 2011 Bastorala
• 2012 Output noise only
• 2013 Haatik
• 2018 Petropolis

Soinu-bandak

• 2002 Atekaleun
• 2004 La gallina ciega
• 2005 Bibliotecas en guerra
• 2007 Hezurbeltzak
• 2010 Egurrezko katagorrixek
• 2011 Adela
• 2012 Isle of dead
• 2013 Cine hecho a mano
• 2014 Soroa
• 2015 Hain luze hain labur
• 2016 Beti bezperako kopiak
• 2016 Iragan gunea Berlin
• 2016 Oskara
• 2017 Areka
• 2017 Gernika-Guernica
• 2017 Oroitzapenei aditzen ikasiz

Bideoa

Elkarrizketak

• Elhuyar aldizkaria
• Berria