Uxue Alberdi

Uxue Alberdi (Elgoibar, 1984)

021_uxue_alberdi

Idazle eta bertsolaria, 2003an hasi zen bertso paper lehiaketak irabazten, besteak beste, Durangoko Julene Azpeitia saria jasoz. 2005ean lortutako Idazle gazteentzako Igartza bekari esker idatzi zuen lehen liburua: Aulki bat elurretan (2007). 2007an beste sorkuntza beka bati esker, Joseba Jaka Beka hain zuzen ere, Aulki-jokoa (2009) ipuin liburua idatzi zuen. 2010ean Ttartalo argitaletxearen eskutik haur literaturan murgildu zen Ezin dut eta zer? ipuinarekin. 2013an Euli-giro ipuin bilduma argitaratu zuen eta, berriki, Jenisjoplin (2017) argitaratu du Susa argitaletxearen eskutik.

Kazetaritzan lizentziatua, literatura tailerren irakasle, iritzi artikulugile, itzultzaile, irakurle-taldeen gidari, letragile eta beste hainbat alorretan aritzen da lanean. Ainhoa Agirreazaldegirekin batera Bertso Eskola Feminista delakoa jarri zuen abian.

 

Narrazioa

  • 2007 Aulki bat elurretan
  • 2009 Aulki-jokoa
  • 2013 Euli-giro
  • 2017 Jenisjoplin

 

Haur eta gazte literatura

  • 2011 Ezin dut, eta zer
  • 2012 Marizkina naiz, eta zer
  • 2012 El juego de las sillas
  • 2013 Txikitzen zaretenean: gurasoei loak hartu aurretik kontatzeko ipuina
  • 2013 Zure denboraren truke
  • 2015 Besarkada
  • 2015 Bi kobazulo
  • 2015 Gurarien ama
  • 2015 Haizeak eraman zuen mapa
  • 2015 Laurogei amonen altxorra
  • 2015 Lur beldur
  • 2015 Memoriaren ehiza
  • 2015 Pupu eta Lore jeloskor
  • 2016 Ikastola armairu barruan
  • 2016 Martxa eta borroka
  • 2016 Zazpi kaleetako eskola

Bideoa

Elkarrizketak

2019 © copyright
Donostia Kultura Donostiako udala