Gaiak
Literatura eta mundua etengabe ari dira eraldatzen eta Literaktumek bide berriak jorratu nahi ditu eremu aldakor horretan. Hori dela eta, zenbait gai sakontasunez eta bestelako jarduerak baliatuta landuko ditu jaialdiak urtero programazio orokorraren baitan. Literaturak zinemarekin, musikarekin, soinu-sorkuntzarekin, gastronomiarekin edo kazetaritzarekin etengabeko elkarrizketan diharduela uste baitu.
Literaktum 18 edizioaren gai nagusia gizakion funtsezko ezaugarri bat da, gaur egungo kulturan eta esperientzian oso presente dagoena: mina. Horrela, literaturak esperientzia mingarriei forma emateko duen gaitasuna aztertuko dugu, galeratik gatazka sozialera, bakardadetik indarkeriara. Era berean, esperientzia horiek kontatzerakoan literaturak duen botere katartikoaz eta askatzaileaz ohartuko gara. Literaturak gure labirintoa marrazten du, baina labirintoan barrena gidatzen gaituen haria ere bada.
Honako jarduera hauek izango dira Minak bizi atalean:
- Azaroak 14: Reyes Monforte, La memoria de la lavanda
- Azaroak 15: Laura Restrepo, La impunidad del monstruo
- Azaroak 20: Jon Bilbao & Pilar Adón, El silencio y los crujidos. Tríptico de la soledad
- Azaroak 21: Manuel Vilas & Juan José Millás, Asuntos de familia
Belaunaldi berrien literatura ere ardatz izango du aurtengo edizioak, 30 urtetik beherako idazleek egindakoa, hain zuzen ere. Euskarazko literatura berriaren ahots interesgarrienak bilduko dira mahai baten inguruan gai honi tiraka. Ikuspegi hau osatzeko, gazteak irakurtzera noiz eta nola hurbiltzen diren aztertuko du beste mahai-inguru batek.
Literaturaren bide berriak atalean bi mahai-inguru izango dira:
- Azaroak 19: Estibaliz Martínez, Peru Iparragirre, Zergatik idazleak?
- Azaroak 20: Maialen Berasategi, Imanol Epelde, Larraitz Idarreta, Gazteak eta irakurketa
Literaktumek aurkezten du atalean, aldiz, egungo euskal idazle esanguratsuenetako hiru argitaratu berri dituzten liburuez mintzatuko dira: Harkaitz Canok, Katixa Agirrek eta Iban Zalduak beren lan berriak aurkeztuko dituzte Literaktumeko ikus-entzuleen aurrean.
- Azaroak 14: Katixa Agirre, Amek ez dute idazten
- Azaroak 22: Harkaitz Cano, Fakirraren ahotsa
- Azaroak 24: Iban Zaldua & Ramon Saizarbitoria, Como si nada hubiera pasado
Jaialdi batek orainaren argazkia egiten du nolabait, baina klasikoek ere badute beren lekua orain horretan. Izan ere, klasiko bat ez al da garaikide iraunkor bat? Literaktum 18-k Anna Karenina hobeto ezagutzeko aukera emango du afari literario baten bidez; Baroja, ibilaldi dramatizatu batean parte hartuz; García Lorca, hark idatzitako Sonetos del amor oscuro olerkiak taularatuz, eta Roberto Bolaño Sonorako basamortuetan barrena egindako bidaia literario eta bisualaren bidez.
- Azaroak 12: Paty Godoy, Pere Ortín, Rodrigo Fresán, Los Desiertos de Sonora. Un viaje literario al universo de Roberto Bolaño
- Azaroak 18: Viridiana, Amor oscuro (Sonetos)
- Azaroak 23: Slawka Grabowska, Cenar con Anna Karenina
- Azaroak 24: Pio Baroja Donostiara bisitan
Gaur egungo gizartean puri-purian diren eztabaidetan murgiltzeko ateak ere zabalduko dizkigu literaturak: sorkuntzarako askatasunaren aurkako mehatxu berriak, idazketa boterearen kontrako erresistentzia modua edo diskurtso kultural nagusiak sortzeko prozesuak.
- Azaroak 13: Nacho Carretero & David Trueba, Las nuevas amenazas a la libertad creativa
- Azaroak 17: Danele Sarriugarte & Fernando Broncano, ¿Quién hace la cultura? Injusticias epistémicas
- Azaroak 23: Slavenka Drakulic & Luisa Etxenike, La escritura vigilada: literatura e historia de Europa
Erakusketak:
